Ég er að fara norður á eftir svo það er ekki að búast við fleiri bloggfærslum hjá mér fyrir mótið. Mamma mín er svo ansi tölvuheft.

Við í nefndinni verðum að klára allan undirbúning á Húsavík á morgun og ef þið eruð stödd fyrir norðan og viljið hjálpa til þá er bara um að gera að hafa samband.

En annars hlakka ég rosa rosa mikið til að hitta ykkur öll annaðhvort annaðkvöld eða á laugardaginn eða jafnvel bara í kvöld .

Kveðja: Hófí Anna

Það var minnst á það við mig í gær hvort klæðaburður skipti máli á mótinu. Mér er persónulega nokkuð sama í hverju fólk klæðist en mæli samt með því að vera frekar í léttum fötum yfir daginn (klæða sig bara eftir veðri) og þeir sem ætla að taka með sér sundföt, taka þau einnig með sér. Það er svosöm ekkert leyndarmál en það fá allir boli um leið og þið mætið svo engin þarf að hafa neinar áhyggjur af því að skera sig eitthvað úr hópnum allavega Um kvöldið myndi ég svo bara mæla með einhverjum skárri fötum eða djammfötum, þetta er hvorki kokteilboð né árshátíð þannig að ég held að mörgæsafötin, pípuhatturinn og kokteilkjóllinn séu betur geymdir til fínni skemmtana, en eins og ég segi, ef einhver vill vera súperfínn þá er það bara í fínu lagi.

Það gæti líka bara verið mjög skemmtilegt ef við tækjum okkur saman og værum bara líka í bolunum okkar um kvöldið og færum þannig ölll eins í bæin. Hvað finnst fólki um það??

Kv: Hófí

Já krakkar núna eru aðeins fimm dagar í hittinginn okkar! JEYJEYJEYJ.

Ég er allavega farin að hlakka voða voða mikið til, sérstaklega að hitta fólk sem maður hefur ekki séð í mörg ár. Mér finnst alveg geggjað að fólk skuli vera að koma alla leið frá útlöndum til að mæta og mér finnst einnig frábært hvað mikið af fólki sem var stutt með okkur í bekk ætlar að láta sjá sig.

Núna er bara um að gera fyrir þá sem eru staddir á húsavík, að koma myndum til Níelsar og þessir fáu sem eiga eftir að borga að drífa sig í því. Það var t.d. ein sem hafði samband sem átti erfitt með að borga öðruvísi en að láta mig hafa peninginn þegar hún hittir mig og það er auðvitað í lagi ef fólk getur ekki reddað því öðruvísi. Það er bara um að gera að láta mig vita.

Svo vil ég bara ennþá minna fólk á að ef einhverjir vilja vera með skemmtiatriði eða eru með hugmyndir að þá er ennþá smá tími til að redda því.

Annars er ég aðallega núna að telja niður.... FIMM......

 Kv: Hófí Annan 

Halló!!!

núna erum við í nefndinni að leggja lokahendur á plönin fyrir mótið og hlökkum mikið til að sjá hvernig tekst til. Ég vil bara enn einu sinni minnast á að það skiptir mikilu máli að borga í tíma ef þið mögulega getið og ef ekki þá að láta mig vita. Við erum búin að leggja á okkur mikla vinnu til að hafa þetta sem ódýrast og skemmtilegast fyrir alla og því finnst okkur vera alveg það minnsta að fólk borgi að minnsta kosti tímanlega. Annars eru þó nokkrir búnir að borga og á þetta því ekki við um það fólk, ég vil samt benda þeim á sem eru búnir að borga að athuga hvort millifærslan hafi ekki örugglega komist í gegn og á mitt nafn því það lítur út fyrir að minnsta kosti ein færsla hafi ekki náð að skila sér alveg rétt en verið er að skoða það.

Svo er annað mál sem borist hefur til mín. Ég lét fylgja með í dagskránni að fólk skildi taka með sér sundföt á laugardeginum. Það eru einhver tilfelli þar sem annaðhvort fólk vill ekki eða getur ekki tekið með sér sundföt og vil ég koma því til skila að fólk mætir þá bara sundfatalaust og við sjáum alveg fyrir því að það skemmti sér ekkert minna en aðrir. Ef það er eitthvað annað þá verðið þið bara að vera ófeimin við að hafa samband því þegar maður er að halda utan um allt þá getur hæglega eitthvað farið framhjá manni.

Kv: Hófí sólbrennda

Föstudagur 27. júlí 2007

22:00 Þeir sem vilja smá forskot á sæluna hittast á Gamla Bauk (alveg óskipulagt). Hafa skal hugfast að það er betra að vera vel stemmdur daginn eftir.

Laugardagur 28. júlí 2007

10:49 Mæting fyrir utan Borgarhólsskóla þar sem skemmtilegheitin byrja

taka með: sundföt og eitthvað til væta kverkarnar

17:02 Fólk fær að hoppa heim í hreinar naríur

19:00 Hittingur í Verkalýðssalnum með makana með sér og vökvann fyrir ykkur bæði.

19:30 Borðhald og skemmti atriði byrja

00:00 Allir tölta saman í bæin, þar sem fjörið heldur áfram

Og hana nú!

Kostnaðurinn á mann er 4800 kall og svo bætist 1200 kall við fyrir maka (6000 kall alls). Innifalið í verðinu er matur, salur, rúta og fleira skemmtilegt en EKKI DRYKKIR!!! 

Þáttökugjald leggst inn á reikningsnúmer mótsins sem gefið er upp hér að neðan.

bankanúmer: 515 14 612992

kennitala: 270483-2919

 

hérna fyrir neðan setti ég inn skráningarlistan á mótið eins og hann lítur núna, ef það er eitthvað sem þið viljið bæta á hann eða breyta látið mig þá vita hérna eða hafið samband við mig eða aðra í nefndinni í símanúmerunum sem þið getið nálgast hér á síðunni.

Svo vil ég benda ykkur á að á næstu dögum mun ég setja inn dagskrána á mótið og aðrar upplýsingar sem eru mikilvægar fyrir ykkur að vita.

Einnig vil ég enn einu sinni minna ykkur á að það er öllum velkomið að koma með ábendingar, sérstaklega um skemmti atriði þó svo að dagskráin sé nokkurn vegin tilbúin

kv - Hófí

                                                                        Skráð(ur)                  maki                    óskráð(ur)                    

ég vona að ég sé ekki að ruglast á degi ef svo er þá verðið þið að leiðrétta mig. En ég vil óska þeim bekkjarsystkynum sem fermdust á hvítasunnu (sem var minnir mig 18.maí 1997) til hamingju með tíu ára fermingarafmælið.

Ég vil óska öllum þeim sem eiga tíu ára fermingarafmæli, til hamingju með daginn

 hófí anna 

Jæja það er ánægjulegt hvað fólk hefur tekið vel við sér og skráð sig á mótið, það eru bara fjögur sem hafa látið vita að þau ætli ekki að mæta. Það eru ennþá nokkrir sem hafa ekki látið vita af sér enda gæti verið að ég hafi ekki verið með rétt símanúmer eða heimilföng hjá einhverjum. Það verður fundur næsta mánudag og eftir það verður allt sett á fullt því 3 mánuðir eru enga stund að líða. Ef þið eigið gamlar myndir af bekkjarfélugunum sem við mættum fá lánaðar fyrir mótið megið þið endilega hafa samband við mig (e-mail:hofi_annan@msn.com, sími:866-7502) eða bara hérna inni en skiljið þá endilega eftir síma eða eitthvað þannig að ég geti náð í ykkur. Það væri líka magnað ef þið lumið á einhverju fleira skemmtilegu en myndum, látið bara vita. Jæja yfirmaðurinn minn er farið að líta illa á mig

Hófí Anna 

hæhæ fólk!
það hefur verið staðfest að mótið okkar verður um Mærudagahelgina eða helgina 28-29 júlí, sem er helgin á undan Verslunarmannahelginni ef einhverjir skildu ekki vita það . Ég mun fljótlega senda út tilkynningu til allra en til þess að spara kostnað og fyrirhöfn væri rosa magnað ef þið gætuð látið vita af ykkur hér eða haft samband við mig beint (ég er í símaskránni). Látið líka endilega vita ef þið búist við að taka með ykkur maka. Annað kemur í rauninni ekki fram í tilkynningunni nema þá að þetta mun kosta eitthvað en við erum að reyna að halda kostaði í lágmarki. Þegar nær dregur verður svo sent út bréf með nánari upplýsingum núna er bara aðalmálið að fá að vita svona sirka hvað margir ætla að mæta.
Ég held að þetta sé allt.
Vona að sem flestir skrái sig (ef ekki þá á ég eftir að hringja heim til ykkar og ganga á eftir ykkur hehehe)
Kv: Hófí Anna

Jæja ég er búin að setja á næsta fund, hann verður núna á miðvikudagskvöldið. Ef einhverjir vilja vera með eða koma einhverju á framfæri þá er bara um að gera að vera í sambandi við mig. Ef þið viljið ekki hafa samband við mig en viljið samt koma einhverju á framfæri þá er líka hægt að hafa samband við Soffíu, Benna, Eyþór, Viktor eða Pétur því þau eru eitthvað með puttana í þessu með mér og munu að öllum líkindum mæta á fundinn.
Svo er það annað mál. Núna förum við að senda út bréf svona formlega til að fá fólk til að skrá sig á mótið. Við erum orðin ansi dreifð um heiminn og ég hef verið að leita af heimilsföngum bekkjafélagana á þjóðskránni en vantar upplýsingar um nokkra sem ég get ekki fundið þar eins og Gísli og Valdi (sem ég veit ekki hvað heita fullu nafni) og svo eru Iðunn, Arna Sigga og Edda allar staðsettar erlendis og eru því ekki skráðar í þjóðskránni okkar. Ef þið hafið upplýsingarnar sem mig vantar, mynduð þið spara mér mikla vinnu með því að koma þeim til mín.
Jæja ég er ekki með meira í bili.
Læt ykkur vita hvað kemur í ljós eftir fundinn á mið.

kv: Hófí Anna

ég tók skoðanakönnunina líka út en 50% af þeim sem tóku þátt vildu leggja eitthvað af mörkum fyrir mótið. 25% ætla hins vegar ekki að mæta, ég vona bara að það séu einhverjir sem hafa slysast hingað inn og eru bara abbó að fá ekki að vera með. 

ég er að hugsa um að hafa næsta fund í næstu viku, á bara eftir að heyra í þeim sem mættu síðast hvaða tími henntar þeim. Ef þið viljið mæta eða koma einhverju á framfæri verið þá bara í bandi.

Hófí